Ere our wrongs be forgot, or our vengeance unfelt Then gather, gather, gather, Grigalach! Gather, gather, gather, &c.

or other to the property or possession of Craig Royston, a domain of rock and forest, lying on the east side of Loch Lomond, where that beautiful lake stretches into the dusky mountains of Glenfalloch."-Introduction to Rob Roy, Waverley Novels, vol. vii. p. 31.]

DONALD CAIRD'S COME AGAIN.1

AIR-" Malcolm Caird's come again." 2

CHORUS.

DONALD CAIRD's come again!
Donald Caird's come again!
Tell the news in brugh and glen,
Donald Caird's come again!

Donald Caird can lilt and sing,
Blithely dance the Hieland fling,
Drink till the gudeman be blind,
Fleech till the gudewife be kind;
Hoop a leglin, clout a pan,

Or crack a pow wi' ony man;

1[Written for Albyn's Anthology, vol. ii. 1818, and set to music in Mr. Thomson's Collection, in 1822.]

2 Caird signifies Tinker.

Tell the news in brugh and glen,
Donald Caird's come again.

Donald Caird's come again!
Donald Caird's come again!
Tell the news in brugh and glen,
Donald Caird's come again.

Donald Caird can wire a maukin,
Kens the wiles o' dun-deer staukin,
Leisters kipper, makes a shift
To shoot a muir-fowl in the drift;
Water-bailiffs, rangers, keepers,

He can wauk when they are sleepers;
Not for bountith or reward

Dare

ye mell wi' Donald Caird.

Donald Caird's come again!
Donald Caird's come again!
Gar the bagpipes humamain,
Donald Caird's come again.

Donald Caird can drink a gill
Fast as hostler-wife can fill;
Ilka ane that sells gude liquor
Kens how Donald bends a bicker;
When he's fou he's stout and saucy,
Keeps the cantle of the cawsey;
Highland chief and Lawland laird
Maun gie room to Donald Caird!

Donald Caird's come again!
Donald Caird's come again!
Tell the news in brugh and glen,
Donald Caird's come again.

Steek the amrie, lock the kist,
Else some gear may weel be mist;
Donald Caird finds orra things
Where Allan Gregor fand the tings;
Dunts of kebbuck, taits of woo,
Whiles a hen and whiles a sow,
Webs or duds frae hedge or yard—
'Ware the wuddie, Donald Caird!

Donald Caird's come again!
Donald Caird's come again!
Dinna let the Shirra ken
Donald Caird's come again.

On Donald Caird the doom was stern, Craig to tether, legs to airn;

But Donald Caird wi' mickle study, Caught the gift to cheat the wuddie; Rings of airn, and bolts of steel, Fell like ice frae hand and heel! Watch the sheep in fauld and glen, Donald Caird's come again!

Donald Caird's come again!

Donald Caird's come again!

Dinna let the Justice ken

Donald Caird's come again! 1

[Mr. D. Thomson, of Galashiels, produced a parody on this song at an annual dinner of the manufacturers there, which Sir Walter Scott usually attended; and the Poet was highly amused with a sly allusion to his twofold character of Sheriff of Selkirkshire, and author-suspect of "Rob Roy," in the chorus,

"Think ye does the Shirra ken
Rob M'Gregor's come again?"]