ページの画像
PDF
ePub

Si l'on fit mal, si l'on fit bien,

le m'en rapporte et n'en sçay rien; Ie Et, pour dire vray, ne me pique De me connoistre en Politique; Car en ce mestier le hazard A souuent la meilleure part. Aux nouuelles de cette prise, La Bazoche fut fort surprise. Le mal, au lieu de se calmer, Parut de nouueau s'allumer. On s'assemble, on crie, on proteste; Qui iure, qui gronde, qui peste. Quelqu'vn parle plus hautement Et se plaint du gouuernement, l'entends celuy de la finance; Pour l'autre on garde le silence. C'est bien assez de le penser, De peur de se trop auancer. Cependant la Reyne Régente, Comme elle est sage et très-prudente, Voulant à cecy promptement Trouuer quelque tempérament,

Remit, pensant calmer l'affaire,

La Polette à son ordinaire,

Fit reuenir les exilez,
De la frontière rappelez;
Mais deffendit aux Compagnies

De se tenir encore vnies,

Puisque leur remettant le prest,
Elles estoient hors d'intérest.
Maintenant Messieurs des Enquestes,
Dont aucuns sont de fortes testes,

Et d'ordinaire, à dire net,

L'ont assez proche du bonnet,

Furent d'opinion contraire.

L'vn dit : « Messieurs, c'est vn mystère.
Si nous cessons d'estre assemblez,
Dans trois iours nous sommes sanglez.
Nos biens, de mesme que nos vies,
Releueront de ces harpies.
Enfin ce n'est pas d'auiourd'huy
Qu'on dit: Ce qu'il te fait, fais-luy.
Machiauel, grand politique,
Qui des Cours auoit la pratique,
Dans son damnable art de régner
Ne l'a sceu que trop enseigner.
Toutes ces faueurs apparentes
Sont des marques très-éuidentes
Du venin caché là-dessous.
Hélas! Messieurs, souuenez-vous
De Sinon, du cheual de Troye,
Comme Ilium fut mis en proye
Et le vieil Priam peu rusé
Sous vn faux cheual abusé.
Permettez que ie vous le die :
Tout cecy n'est que comédie.
Les biens receus hors de saison,
Les récompenses sans raison,
Ainsi que les chants des Sirènes,
Marquent les tempestes prochaines.
Le salut dans vn mauuais pas
Consiste à ne relacher pas.
Souuent c'est proche du riuage
Que les matelots font naufrage.
En deux mots voicy mon advis :
Si mes sentiments sont suiuis,
Messieurs, auant toute autre chose,
Afin d'affermir nostre cause,
Qui n'est pas sans besoin d'appuy,
Nous conclurons tous auiourd'huy

Que l'on soulage les canailles,

Que l'on remette vn quart des tailles,
Que de nos païs désolez

Les Intendans soient rappelez,
Que les Éleus, bien que vermine,
Exercent au moins pour la mine
Et soient mis en leurs fonctions.
C'est par telles inuentions
Que le peuple prompt et volage
Se meut, se conduit et s'engage.
Quand le peuple sera pour nous,
Sans doute on filera plus doux.
Mais si nous manquons cette voye,
Quelque temps calme que ie voye,
l'appréhende fort l'interdit.
Songez-y bien, Messieurs. l'ai dit. >>
Lors chacun parlant à l'oreille
Auec son voisin se conseille.
Faut-il le croire, ce dit-on.
L'vn dit qu'ouy, l'autre que non.
Tout est d'opinion diuerse.
L'vn la suit; l'autre la trauerse.
L'vn dit que c'est trop attenté;
L'autre la seule seureté.
Cette vénérable consulte

Auoit fort de l'air d'vn tumulte.
Et comme nous voyons souuent,
Lorsque l'on chasse à mauuais vent,
Que des voix de diuers meslange
Font aux vieux chiens prendre le change,
Ou confus dans vn si grand bruit,
Ne suiure les voyes, la nuit;
Encor' que parmy cette émeute,
Les Présidens, clefs de la meute,
D'abord ne donnassent les mains,

Tous leurs obstacles furent vains.
Sans fruit les vieillards résistèrent.
Enfin les frondeurs l'emportèrent.
Et, suiuant leur intention,
L'on se tint à la ionction 1.
D'Émery, contre son attente,
Trouua la fortune changeante.
Par des conseils accommodans
On réuoqua les Intendans.

La Reyne mesme, à ce qu'il semble,
Trouue fort bon que l'on s'assemble.
Gens de Palais et gens de Cour
Ont conférence à Luxembour'.
Le Duc d'Orléans, fils de France,
Au Parlement prit sa séance;
Et le feu loin de s'embraser,
Paraissoit quasi s'appaiser,
Alors que la prison nouuelle

Du bon-homme Monsieur Bruxelle,
Riche d'honneur, pauure de biens,
Arma tous ses concitoyens.
Ce fut au temps que la victoire,
Amoureuse de nostre gloire,
Fit à Lens, ainsy qu'à Rocroy,
Triompher nostre ieune Roy
De ces redoutables cohortes

Qui sembloient menacer nos portes.
L'illustre Prince de Condé,

Par son courage secondé,

Auec ses troupes, comme vn foudre,
Réduit leurs escadrons en poudre,

Et les suiuant iusqu'à Douay,

1 Arrêt du 15 juin.

* Surintendant des finances.

3 Le 21 juin eut lieu la première conférence.

1

[merged small][ocr errors]

Mais comme en vn beau iour d'Esté,
Plein de lumière et de clarté,

Le Ciel se couurant de nuage
Change le beau temps en orage,
Et des ruisseaux font vne mer

Qui ne peut pourtant pas durer,
La ioye en nos cœurs préparée
Ne fut pas de longue durée.

De tout temps nos Roys très-pieux
Par vn zèle déuotieux,

Quand le Ciel a bény nos armes,
Et la valeur de nos gendarmes,
Vont en cortège solennel
Rendre grâces à l'Éternel,
Deuant le temple où l'on réuère
Le nom de sa très-chaste mère.
Les Gardes dès le point du iour
Assemblez au son du tambour
Dessus le Pont-neuf se logèrent
Et par les rues s'arrangèrent,
Quand, la Reyne estant de retour,
Vn bruit s'épand tout à l'entour
Que l'on auoit pris le bon-homme

[blocks in formation]

Courtray, pris en 1647 par les Espagnols pendant que le prince de Condé faisait le siége d'Ypres.

2 Pierre Broussel, conseiller au parlement.

« 前へ次へ »