nier', et avec ce furent mors bien quarante mille de ses turcs et dix mille de son adverse partie. Après laquelle besongne, le dessusdit Tamburlan envoya grant partie de ses gens aux principales villes d'icellui Basach, lesquelles, ou au moins la greigneur partie, se rendirent à lui. Et par ainsi icellui Tamburlan conquist la plus grant partie du pays de Turquie.

CHAPITRE XVII.

Comment Charles, roy de Navarre, traicta avec le roy de France et eut la duchié de Nemoux.

Item, en ceste saison, Charles, roy de Navarre', vint à Paris devers le roy de France, et tant traicta avecques lui et ceulx de son estroit conseil, que le chastel de Nemoux avecques autres chastellenies lui furent données et en fist une duché. Si en fist prestement hommage audit roy de France et y renonça, au prouffit du Roy et de ses successeurs, moiennant que avec ladicte duché de Nemoux lui fut promis à paier de par le roy de France deux cens mil escus d'or du coing du Roy.

En après le duc Phelippe de Bourgongne lui partant de Paris ala à Bar-le-Duc à l'obsèque de la du

1. C'est à la bataille d'Ancyre (auj. Angora dans l'Anatolie) que Bajazet fut fait prisonnier par Tamerlan. Ainsi Monstrelet se trompe en mettant ce fait sous l'année 1403, car la bataille d'Ancyre se donna le 30 juin 1402.

2. Charles III, dit le Noble, fils de Charles le Mauvais et de Jeanne de France, fille aînée du roi Jean. Cet arrangement du roi de Navarre avec Charles VI est du 19 juin 1404.

chesse de Bar sa seur1 qui estoit trespassée. Et de là après ledit service fait s'en retourna en sa ville d'Arras où estoit sa femme, la duchesse, et célébra la feste de Pasques, et puis s'en ala à Brucelles en Brabant devers la duchesse, taye de sa femme, qui l'avoit mandé pour lui baller le gouvernement du pays. Ouquel lieu print audit duc une grande maladie. Si se fist porter à Haulx', comme cy-après sera déclairé.

DE L'AN MCCCCIV.

[Du 30 mars 1404 au 19 avril 1405.]

CHAPITRE XVIII.

Comment le duc Phelippe de Bourgongne, oncle du roy Charles, VI• de ce nom, trespassa en la ville de Haulz en Haynnau.

Au commencement de cest an, le duc de Bourgongne, jadis fils du roy Jehan et frère au roy Charles de France, le Riche, et oncle au roy présent, Charles le Bien-Aymé, lequel duc, comme j'ay dit cy-dessus, estoit moult malade, se fist apporter sur une litière, de la ville de Bruxelles en Brabant en la ville de Haulx en Haynnau. Et afin que les chevaulx qui le portoient

1. Marie de France, fille du roi Jean et femme de Robert, duc de Bar. C'est pour ce dernier que le roi Jean avait érigé en duché le comté de Bar, l'an 1355.

2. Halle en Hainaut, sur les frontières du Brabant.

alassent plus seurement et à son aise, y avoit plusieurs laboureurs et manouvriers qui aloient devant ladicte lictière à tout planes ' et autres instrumens de fer pour refaire et aouvyer les chemins. Ouquel lieu de Haulz il fut deschargé et mis assez près de l'église de NostreDame en ung hostel où lors estoit l'enseigne du Cerf. Ouquel lieu, lui sentant très fort agravé de sa maladie manda devant lui ses trois filz, c'est assavoir, Jehan, conte de Nevers, Anthoine et Phelippe', ausquelz il pria très acertes et commanda destroitement, que toutes leurs vies durans feussent bons, vrais et loyaulx obéissans au roy Charles de France, sa noble généracion, sa couronne et tout son royaume, et ce leur fist il promectre sur tant qu'ilz l'amaient. Lesquelles promesses dessusdictes furent par les trois princes dessusditz humblement accordez à leurdit seigneur et père. Et là avec, fut par ledit duc ordonné à chascun d'eulx les seigneuries qu'il vouloit qu'ilz tenissent après son trespas et la manière et intencion qu'ilz en avoient à user. Lesquelles et plusieurs acomplies et devisées par lui moult sagement comme à tel prince appartenoit faire, aiant bonne mémoire en sa derrenière heure, rendi son esperit ou dessusdit hostel 3, et là fut

1. A tout planes, avec des bêches. Aouvyer les chemins, les rendre praticables.

2. Jean sans Peur; Antoine, comte de Rhétel, puis duc de Brabant; Philippe, comte de Nevers; ces deux derniers furent tués à la bataille d'Azincourt (1415).

3. Le 27 avril 1404. On lit, dans la chronique déjà citée : Lequel duc fu en son tamps tenu pour l'ung des sages princes de France; et par son sens il tint grant tamps le royaume en paix, combien que le duc d'Orléans luy fist mainte paine et voloit tousjours estre le maistre. Mais ledit de Bourgoigne l'en

son corps et ses entrailles mises et enterrées en l'église Nostre-Dame de Haulz, et son corps, bien embasmé, fut mis en ung sarcueil de plomb et de là transporté en la ville de Douay et de là à Arras, tousjours très grandement acompaigné selon son estat. Ouquel lieu d'Arras fut mis en sa chapelle, où on lui fist ung service solennel. Et là renonça la duchesse Marguerite1 à ses biens, pour la doubte qu'elle avoit qu'elle ne trouvast trop grans debtes, en mectant sur sa représentacion sa ceinture avec sa bourse et les clefs, comme il est de coustume, et de ce demanda instrumens à ung notaire publique qui là estoit présent. En après, le corps dudit duc fut mené en Bourgongne et enterré aux Chartreux emprès Digon, dedens l'église, laquelle lui mesme avoit fait fonder et édifier à ses despens. Et son cuer fut porté à Saint-Denis en France et mis emprès les Royaulx, desquelz il estoit yssu. Si avoit icellui duc, avec ses trois filz, trois filles, c'est assavoir la duchesse d'Osteriche, la duchesse de Holande3, femme au comte Guillaume de Haynnau, et la duchesse de

garda bien, tant par le sens de luy, comme par sa puissance, laquelle il lui monstra pluiseurs foix en son temps, tant en la ville de Paris, où ilz firent de grandes assemblées, comme ailleurs. Mais oncques horion n'en fu donné ». (Bibl. impér., F Cord, 16, fol. 328.)

1. Marguerite, fille de Louis de Mâle, comte de Flandre et veuve de Philippe de Rouvre, remariée au duc Philippe le Hardi le 19 juin 1369, morte à Arras, le 16 mars 1405.

2. La duchesse d'Osteriche. Catherine de Bourgogne, née en 1378, mariée le 15 août 1393, à Léopold, duc d'Autriche.

3. La duchesse de Hollande, Marguerite de Bourgogne, née en 1374, mariée le 12 avril 1385 à Guillaume de Bavière, comte de Hainaut.

Savoie. Après la mort duquel duc y eut grans pleurs et lamentacions, principalement de tous ses enfans, aussi généralement de la plus grant partie des seigneurs et autres gens d'estat du royaume de France et de tous ses pays. Car en son temps il avoit régné et gouverné moult prudemment les besongnes du Royaume avecques son frère ainsné Jehan, duc de Berry, dont il avoit esté et fut encores plus après sa mort, très excellemment recommandé. Et après icellui duc défunct comme dit est, Jehan, conte de Nevers, son filz ainsné, saisi la duché et conté de Bourgongne, et Anthoine, le second filz, fut héritier actendant la duché de Brabant après le trespas de sa grant tante la duchesse, laquelle lui livra présentement le duché de Lembourg. Et Phelippe, le tiers filz, fut nommé comte de Nevers et baron de Donzy, à en joir après le trespas de la duchesse sa mère 2. Si commencèrent iceulx trois frères à gouverner moult haultement leurs seigneuries, et eurent l'ung avec l'autre plusieurs consaulx avecques leurs plus foibles serviteurs, afin de savoir comment ilz se mectroient à gouverner envers le Roy leur souverain seigneur.

1. La duchesse de Savoie, Marie de Bourgogne, née en 1380, mariée le 30 octobre 1393 à Amédée VIII, comte de Savoie.

Philippe le Hardi avait eu une quatrième fille, nommée Bonne, que Monstrelet n'avait pas à mentionner ici, puisqu'elle était morte en 1399.

2. Qui arriva le 16 mars 1405.