dicelles, ne sera le dit Conte, ne ses heirs executours ne terretenantz vexez inquietez molestez ne greuez par le Roy n're dit s ne ses heirs en null' de ses courtes autrementz q' nest exp'ssez en mesme lendenture. Et voet & grante n're dit să le Roy qen cas q' aucunes terres ou tenementz deuiegnent droiturelement au dit Conte par descent de heritage ou en autre queconq. manere raisonable en Engleterre pur le temps quil sera ainsi en le seruice de n're dit s' le Roy pardela, tielx terres & tenementz pur defaute dōmage ou foialtee ou daucun autre seruice ne soient retenuz en la main de n're dit s' le Roy par eschetour ou autre ministre ainz par due proces ent a faire en la chancellerie, soient deliu'ez as attornez de mesme le Conte a faire ent son proufit sanz contredit ou empeschement de nulluy, et soient les hōmages & foialtees respitez tanq' a la venue dicelui Conte en Engleterre Et voet n're dit s' le Roy q' durant le dit voiage ne sera grantee aucune assise generale ne especiale contre aucuny qui passera en le dit voiage et q' sib'n lauantdit Conte come ceulx de sa d'ce retenue auront pur le temps dicel voiage l'res de protection desouz les grand & priue sealx du Roy tielles & atantes come leur seront busoignables. En tesmoignance de quelle chose a la partie de ceste endenture demorante deu's le s'dit Conte, n're dit s le Roy ad fait mettre son priue seal. Don' a Westm❜ le xxix jour Dau'ill' lan du regne du Roy n're dit seignur tierz.

II. The Indenture of Receipt of Prest Money.

"Cest endenture fait le p'mer iour de Juyl lan du reigne n're t'ssou❜eigne s le Roy Henr' quint puis le conquest tierce tesmoigne q' Henr Bloundell Esquier ad rescieu de Thomas Count Darundell, & de Surr. tresorer d'Englet're, p' lez mayns de John Euerdon, clerk, assigne p' paier les gages de guerre cv.s. & iij.d. q, sur ses gages p'prez a xijd. le iour, & de trois

archers chescun a vj.d. le iour oue le regard du dit Henr' solonque lafferaunt de lxvj.li. xiij.8. iiij.d. pur xxx. hōmes darmes pur vn quart' entier, en pleyn paiement p lours ditz gages et regard oultre viij.li. vj.s. viij.d. rescieuz a la receipte del Escheqer n're dit s' le Roy, pur le primer quart' de cest p'sent viage vers lez p'ties de Fraunce come en vn endentur ent fait pleynement appiert. Done lez iour & an suisditz."

III. The Indenture of Receit of Jewels.

"Ceste endenture faite p'entre Richard Courtenay Leuesq' de Norwicz Tresorer de la Chambre du Roy n're sou'rains & gardein de ses joialx dune parte et Mons. Richard de York, Count de Cantebrigge, retenu ouesq' n're dit s' le Roy pur luy s'uer en cest p'sent viage as parties doutre la meer par vn an entier ouesq' sessant launces luy mesmes accompte & cent & sessant archiers dautre parte tesmoigne q' le dit Euesq. par v'tue & cōmaundement des l'res patentes du Roi sealez de son gund seal ensemble ouesq' vne bille seale du seel & signe de la mayn du Tresorer Dengleterre sur ceo a luy adrecees ad deliu'e a dit Count prim'ement vn gunt espiceplate dor garniz enuyron p'my tout la couercle ouesq' la somoyt & cynk egles enamellez blank dount vn eiant vn gunt bales pendant en le beek & les quatre autres ch'un eiant vn grose perle pendant en lour bekes & xvij. baloys xvj. safres vj. groise perles p'amont xxiiij. dyamauntz ccccxxix. perles & deins le founce du dite espiceplate vn egle ennamele blank ouesq. vn safre pendant p'son rostre & ent oure mesme le egle iiij. baloys & iiij. gundes perles & enuyron le bastone iiij. baloys & iiij. safres poisant le dit espiceplate ouesq. le couercle xx.li. & iiij.onces de troye la price en tout Dclxvj.li. xiij.s. iiij.d. It'm le palet de Spayne garnise dor ouesq. vne corone garnise dor tout ensemble xxxiij. baloys & rubies

bastarde iiij. safres xv. emeraudes & autres t'spetitz en gunt nombre & cciiii. perles la poys de mesme le palet viij.li. & demy la price de mesme le palet en tout clxvj.li. xiij.s. iiij.d. pur la seurte de Dcccv.li. iiij.s. iiij.d. la quelle sōme il doit prendre & receiuer pur la seconde quarter entier del an suisdit solonc la fourme & purport de lez endentures sur ceo faitz p'entre le Roy n're souerain s' suisdit & le dit Counte dount le iour du paiement a quele le Roy voelt & doit quiter lez ioiaulx auantditz p' sez deputez & assignes sez heires ou executo's sira le iour del circumsision q' serra lan du grace M.cccc. & xvj. solone la course & computacon de lesglise denglet're. Purveu toutz foitz q' le dit Count soit tenuz & de bien & loialment garder lez ioiaulx auanditz saunz debrusement ou enpairement dicellis en ascun man' tansq' al dit iour sicome il voet ent respoundre a mesme n're s* le Roy sez heires ou executours. En tesmoignaunces de quele chose a cestis p'sentz endenturis lez p'ties auantditz entrechaungeablement ount mys lours sealx. Done a Westm' le vij. iour de June, lan du regne le Roy Henry quint puis le conquest tierce."

To these I add :

IV. The Writ to the Treasurer and Barons to Account.

"Henri par la grace de Dieu Roy &c as Tresorer Barons & Chamb❜lains de n're Eschequier saluz. Nous vous mandons que ouesque ceux q'p' endentures & autrement feurent retenuz deuers nous p' vn an a cause de n're viage nadgairs fait as p'ties de France acontez duement par lour serementz de & sur toutes & chescuns couenantz exp'ssees es d'ces endent'es et de noz deniers par eux receux sib'n en moneye contant p' le primer quarter come en joialx pur le second quart' du dit an fesantz a eux come le cas requiert allouance pur mesmes les primer & second quart's del

ane dez gages & regardez en ycelles endentures especifiez. solonc la fourme & contenue de les articles queux vous enuoions closes deinz cestes. Veue toutesfoiz q' nous soions duement responduz de les prison's preyes gaignes de guerre & dautres choses dont p'force des d'ces endentures ils sont tenuz a nous respondre Et si p' les acontes susditz troeue soit q' ascuns des ditz personnes remaignent en n're dette leur facez a nous restituer noz ditz joiaux & de tiel nous satisfier come reson demande et as q' par lour acontes au'ont ascuns surplusages vous auntditz tresourer & chamb'leins en facez auoir payement ou resonnable agreement en receiuant de eux sur ce noz joiaux deu's eux remeignantz. Don' souz n're priue seal a Westm' le ix iour de mars lan de n're regne quart.

"Prim'ment q' ceux q' passeront ouesq. le Roy as p'ties de France acontent par lour serementz et q' sib'n eux cõe ceux q' furent mortez a lassiege de Hareflieu & autres q'p' maladie & autrement auoient esp'ale licence du Roy a retournir dilloeq's en Englet're soient allouez pur le prim' quart' des gages & regardz especifiez en les endentures p'entre le Roy & eux faites comenceant touteffoitz le dit prim' quart' le viij. iour de Juillet lan &c tierz.

"I'tm q' ceux q' furent lessez en la ville de Hareflieu pur la sauue garde dicelle acontent p' lour serementz iusques au iour de lour entree en mesme la ville & delors enauant tanq' au fin du second quarter acontent p' lour serementz & p'tesmoignance du capitain illoeq's ou de son lieutenant & aient allouance p'mesme. le temps des gages & regardez en lez dits endentures expressez.

'

"Et touchant le second quart' le Roy voet q' sib'n ceux q' furent mortz en le bataille de Agencourt come les aut's q' viendrent ouesq' luy a Calais aient allouance des gages & regardz susditz du cōmencement dicelle second quart' iusqes a oyt iours apres larriuaille du Roy en port de Douorre

"Et quant a ceulx q' sur lour passage en port de Southampton feurent contremandes par n're sou'ain s' le Roy Il voet q'ls aient allouance p' ceux de lour retenues q' passerent ouesq' le Roy as p'ties p❜della en les man'e & forme desus declarees mais noun pas pur ceux q' demorerent en Englt're.

"Et ne voet mye n're dit seignur le Roy q' ceux qi pur defaute deskipeson sur lour passage remendrent en Engleterre aient ascune allouance."

In the Catalogue which follows, the Captains are classed under the following heads :---

I. Princes of the Blood Royal.

II. Earls.

III. Barons.

IV. Bannerets and Knights.

V. Esquires and other persons who indented singly.
VI. Persons indenting jointly.

VII. Persons not military, attached to the army.

In the arrangement, under these heads, an alphabetical order is observed as far as it is practicable. It will be found convenient to have at hand the following table of dates.

A.D. 1415. August 7. The fleet sails from Southampton. 15. The landing at Kideaux.

19. Arrival before Harfleur.

September 22. Harfleur surrenders.

October 7. The King departs from Harfleur.

25. The day of the battle.

29. The King arrives at Calais.

November 14. The King crosses the Channel to Dover. 24. Enters London.