Grammont, le poli de la Cour.
Là changeant d'habit et de linge,
Comme l'on voit sauter vn singe
Pour la Reine ou le Cardinal,
Presto, vous voilà sur cheual;
Et tous deux qui ne voyant goutte
De Saint Germain prenez la routte.
Unze heures de nuict enuiron,
Vray temps d'amant ou de larron,
Monsieur arriua chez Madame,
Et luy dit : « Dormez-vous, ma femme?
Ouy, respondit-elle, ie dors.
Prenez, luy dit-il, vostre corps;
Venez à Saint-Germain en Laye.
A Saint-Germain, luy dit-elle, aye!
(Repettant trois fois Saint-Germain),
Mon cœur, ie partiray demain. »>
A quoy Monsieur fit repartie :
« A demain donc, soit, la partie; »
Et vint dans le Palais Royal
Auec son confident loyal,
L'abbé, digne de la rivière;
Palais où l'aube la première
Ne treuuant plus leurs Maiestez,
Ains seulement des chatz restez,
Les vit prés Saint-Germain en Laye
Auec Messieurs la Mesleraye ',
Le Cardinal, le Chancelier,
du cardinal lules Mazarin [3767], le cardinal lègue au maréchal de Gra
mont son meilleur cheval « pour s'enfuir auecque furie. »>
Dont le dernier ne peut nier
Qu'vn peu deuant l'Hostel de Luyne
Le garantit de sa ruine.
Harcourt, Longueuille, Conty,
Et tout le reste estoit party;
Vne nuict que l'excez de boire
Nous donna presque à tous la foire,
(Car pour en parler franchement,
Tout eut depuis le déuoyement),
Nuict des Rois, mais sans Roy passée,
Nuict fatale, qui commencée
Par l'abondance d'vn festin,
Nous laissa la faim sur sa fin.
Ces nouuelles ne furent sceues
Qu'après les sept heures venues;
Mais sept heures ayant sonné
Tout Paris fut bien estonné.
La Bourgeoise estoit soucieuse;
La boulangère estoit ioyeuse;
Tous les artisans détestoient;
Les Escholiers se promettoient
D'auoir campo durant le siége,
Et qu'on fermeroit leur collége;
Les moines disoient chapelets;
L'habitant courroit au Palais;
Le plus zellé courroit aux armes;
Le maltotier versoit des larmes;
Et tout regardoit à son pain,
Le
soupesant avec la main.
C'estoit de Ianuier le sixiesme;
Si ce n'est assez du quantiesme,
C'estoit vn triste Mercredy
Que fut fait vn coup si hardy,
Et que du Parlement les membres
Dispersez par toutes les chambres,
Dirent qu'il estoit à propos
D'en faire vn seul qui fust plus gros,
Où les Escheuins de la Ville
Eurent audience ciuille;
Les gens du Roy pareillement.
En suite on fit vn règlement
Qu'on feroit garde à chaque porte
Nuict et iour de la mesme sorte.
A cela nul ne contredit;
Et de plus il fut interdit
A tous de tout sexe et tout âge
D'emporter armes ny bagage *.
Le reste de ce règlement
Est au iournal du Parlement 2.
Ce mesme iour vne charette
Où fut treuuée vne cassette
Que réclama Monsieur Bonneau,
Trop pleine d'argent bon et beau,
Parut au peuple trop chargée,
Dont elle fut fort soulagée.
Et l'on traita pareillement
Quelque autre charitablement 3.
Que commandement seroit fait
Aux Gens du Roy du Chastelet
De prendre garde à la police;
Que les gouuerneurs sans malice
Laisseroient passer les marchands
Par les villes et par les champs;
Qu'il leur seroit faite deffense
De loger soldatesque engeance
Ny d'héberger en leurs maisons
Ce qu'on appelle garnisons.
• Journal contenant tout ce qui s'est fait et passé en la Cour de parlement de Paris, etc. [1741]. Le règlement a été publié sous le titre d'Arrêt de la Cour de parlement... pour la sureté et police de la ville de Paris [216].
On peut citer le secrétaire d'État Guénégaud, qui fit publier une
Du depuis les belles cohortes
De nos habitans fiers aux portes
N'ont laissé passer vn festu
Sans luy demander, où vas-tu ?
Lors fut vne lettre restée
Au préuost des marchands portée,
Qui s'adressoit à tout son corps;
Lettre, où malgré de vains efforts,
On ne trouua raison aucune
Pour ce trou qu'on fit à la Lune,
Portant sur l'aduertissement
Qu'aucuns de nostre Parlement
Ont eu secrette intelligence
Auec les ennemis de France
On a cru que Sa Maiesté
N'estoit pas trop en seureté,
Monition de l'official de Paris obtenue... le 14 auril 1649 [2488], et le marquis de Bonelle, gendre du surintendant Bullion.
pas seulement l'ouuerture,
Et dont Messieurs les gens du Roy
Furent creus sur leur bonne foy,
Disans, que par icelle lettre
On vouloit le Parlement mettre
Et transférer à Montargis ;
Mais, Messieurs, qui de leur logis
N'auoient point acheué le terme,
Dirent qu'il falloit tenir ferme,
Et qu'on iroit le Roy prier
De vouloir les noms enuoyer
De ceux dont la correspondance
Estoit dommageable à la France,
Afin que l'ombre d'vn gibet
Punist l'ombre de leur forfait.
Et lors les gens du Roy partirent;
Et selon qu'il fut dit, ils firent;
Mais ils reuindrent non ouïs
De Saint-Germain peu réiouïs.
Le Vendredy, premier iour maigre,
Messieurs sur le traittement aigre
Qu'on auoit fait aux gens du Roy,
Ordonnèrent suiuant la loy
Que la Reine auroit remonstrance
Sur le plus fin papier de France;
Et parceque le Cardinal
Leur sembloit l'autheur de ce mal,
Qui depuis par son ministère
Leur a bien prouué le contraire,
Ils iugèrent mal à propos
Qu'il troubloit le commun repos,
1 Et que veu que le Cardinal
Est seul autheur de tout le mal
Et de la misère présente
Dont on a preuue suffisante.
|