ame, vo regars m'ont mis en la voie De vous amer et servir et loer.
Loial Amour ait très bonne aventure Qui m'a navré [d'une] d[o]uce pointure Si très plaisant qu'en quel lieu que je soie, M'esteut à vous du tout en tout penser.
Dame, vo regars m'ont mis en la voie De vous amer et servir et loer.
Dont doi-je bien estre en envoiséure : Car bonne estes et de gente faiture. Li souverain me tient touz jours en joie, Et tout aussi de merci esperer.
Dame, vo regars m'ont mis en la voie De vous amer et servir et loer.
Amour graci, par qui j'ai mis ma cure En vous amer, très noble creature, Jamès de vous partir ne me querroie, Si vraiement me veilliez-vous amer.
Dame, vo regars m'ont mis en la voie De vous amer et servir et loer.
'amour qui n'est bien celée Peut mau venir. Pour ce di Que cil a fole pensée Et male, qui en espi
Se met pour aparcevoir Quel j'ai d'amour le povoir : Car, si le savoit très bien, Si n'i gaaigneroit-il rien.
N'onques personne avisée D'omme nul ne consenti Chose qu'ausi ordenée Ne deust voloir pour Qui espie peut savoir, S'on le set, se plus avoir Ne devoit que du poing tien, Si n'i gaaigneroit-il rien.
Mès par sa fole testée Aquiert mortel anemi, N'à nul de ceus il n'agrée Aus quiex il dit : « Je ce vi. » Et se, par son esmouvoir, Nous amans faisoit manoir En tristesse et sanz maintien, Si n'i gaaigneroit-il rien.
ame gracieuse et belle, Sur touttes plainne de bien, Par vous en joie revelle
Mon cuer, que point ne retien; mien;
Vostres est; à vous se rent:
Amours le veult et consent.
Couleur avez si nouvelle,
Cler vis, cors gent, dous maintien, Que je de joie sautelle, Quant vous avise très bien. Lors gaiement me maintien, Et aim de certain talent: Amours le veult et consent.
Ainsi adès renouvelle Ma joie; ainsi me soustien Par vous, [douce] damoiselle. Dex! quant me dirès-vous « Tien >>> De merci? Sur toute rien, Le desir, belle au cors gent: Amours le veult et consent.
ame, par vo dous regart Suis espris de vous amer. Mon cuer senz lié et gaillart, Dame, par vo dous regart.
Ainsi vous sers main et tart, Et touz jours m'en veil pener. Dame, par vo douz regart Sui espris de vous amer.
ouce dame, je vous pri, Faites de moi vostre ami. Belle, aiés de moi merci. Douce dame, je vous pri
Qu'il soit ainsi com je di. De cuer amoureus joli, Douce dame, je vous pri, Faites de moi vostre ami.
« 前へ次へ » |