omment que, pour l'eloignance De très dous pays, où maint Celle qu'aim sanz decevance, Ai souffert meschief maint, L'espoir qu'ai, qu'encore m'aint La doucette simple et coie, Fait que mon cuer li remaint Et que mon cors vit en joie.
Par ramembrer sa semblance Me sens d'amer si ataint Que mon cuer d'autre plaisance N'a, ne de grief ne se plaint. Le desir que me remaint,
Dex, si qu'à lesir la voieFait que mon cuer li remaint que mon cors vit en joie.
Souvent sens grief et pesance, Que mon cuer que liés soit faint, Par ce c'on ait connoissance De quel mal le vis ai taint, Ne qui la belle est, qui craint, Pour qui Amours, où que soie, Fait que mon cuer li remaint Et que mon cors vit en joie.
e gracieuse dame amer Ne me quier jamès departir.
Touz bienz en viennent, sanz douter, De gracieuse dame amer,
Et touz deduiz. N'en veil cesser : Car c'est ma joie, sans mentir; De gracieuse dame amer Ne me quier jamès departir.
e la grant joie d'amours Las! je ne puis point avoir. C'est par ce c'on dit touzjours Qu'amie ai à mon vouloir, Ainsi sui en nonchaloir Mis par tout et sanz raison. Dame, plaine de savoir, Quar m'en faciez garison.
Je cuidoie avoir secours De ce qui me fait douloir; C'est li chanter, qui mains tours Me fait faire main et soir. Lors pensez que j'aim de voir Autre de vous; non fais, non; Dame, plainne de savoir, Car m'en faciez garison.
Je seuffre trop griès doulours, Car d'autre amer n'ai povoir: Userai-je ainsi mes jours, Sans bien de vous recevoir? Veilliez en vous consevoir Que languis sanz mesprison. Dame, plaine de savoir, Car m'en faciez garison.
ouce Amour, confortez moi; Dolente et desconfortée, Humblement je vous en proi, Ou de malle eure fui née.
par vous je suis esprise D'amer loialment
Celi, tout à sa devise,
Qui crueusement
Me het et me fait anoi. C'est très pesme destinée Quant je l'aim en bonne foi, Lasse, et point ne li agrée.
Douce Amour, confortez moi; Dolente et desconfortée, Humblement je vous en proi, Ou de male heure fui née.
Chascuns amans celle prise,
Et proie humblement,
Qu'il aime; ne sui requise,
Ains convient souvent Que le proie, et, quant le voi, Pour dire li ma pensée
Vers li vois; lors, par desroi,
S'en tourne: ainsi sui menée.
Douce Amour, confortez moi; . Dolente et desconfortée, Humblement je vous en proi, Ou de malle eure fui née.
E[h], Mort, qui touz cors joustice, Prens moi li present;
C'est mon miex, et sans faintise Le sai temprement :
Car mon cuer compère en soi, Dont je suis près forsenée, L'orgueil de la gent, ce croi, Qui bien aime et n'est amée.
Douce Amour, confortez moi; Dolente et desconfortée, Humblement je vous en proi, Ou de malle eure fui née.
« 前へ次へ » |