LEONARDI LESSII S. J. OPUSCULUM ASCETICUM QUINQUAGINTA CONSIDERATIONUM DE L. NOMINIBUS DEI. IN TRES LIBELLOS VIAE PURGATIVAE, ILLUMINATIVAE, UNIŢIVAE DISTRIBUTUM. EDITIO NOVA. FRIBURGI BRISGOVIAE. SUMPTIBUS HERDER. MDCCCLXII. R. P. LEONARDI LESS II DIVINARUM PERFECTIONUM COMPENDIARIA AD MENTEM SURSUM ELEVANDAM, ET MAXIMARUM VIRTUTUM ACTUS FACILI MODO EXCITANDOS, IN TRES LIBELLOS VIAE PURGATIVAE, ILLUMINATIVAE ET UNI TIVAE DISTRIBUTA. PROLOCUTIO. Si homo in primaevo statu innocentiæ et justitiæ originalis perstitisset, non fuisset illi difficile coelestia et divina meditari, divinamque praesentiam semper prae oculis habere; et maximarum virtutum, ut fidei, spei, charitatis, religionis, gratitudinis, humilitatis, reverentiae, obedientiae, etc. functiones in animo suo excitare, et mentem cum Deo suavissime conjungere habebat enim ille status singularem Dei assistentiam, mentem illustrantem, et eam in suo conatu adjuvantem, ad Deum cognoscendum, et ad omnia virtutum officia cum magna voluptate et facilitate obeunda. Verum everso isto statu per peccatum, sublata est illa divini Spiritus ordinaria opitulatio, et ad nudae naturae nostrae infirmitatem delapsi sumus: qua fit, ut divinarum rerum consideratio et omnia virtutum exercitia nobis facta sint difficilia ac laboriosa, et plerumque absque suavitate, et cum taedio a nobis obeantur. Facile est menti |