B

IX.

ien se lace
Qui embrace

D'Amours la jolie trace:

C'est la bouche. Et, quant amis

Son cuer a mis

En desirrer à amie,

Faite de cors et de vis
A son devis,
Voir, il n'est plus de vie,
Si tant face

Amour par grace

Qu'il baise sa douce face.

Bien se lace

Qui embrace

D'Amours la jolie tracc.

B

X.

ontés sen valours et pris,
Regart savoureus

En un dous viaire assis;
Maintiens gracieus,
Biautés souveraine,

Me font d'amours très-certaine

Amer dame de valour,

Dont je merci bonne Amour.

A li servir veil toudis
Estre curieus,

Com vrais et loiaus amis,
Maugré envieus.

Mès mon cuer se painne
D'avenir si haut, qu'à painne
Pourrai jà avoir merci,
S'Amours n'a pitié de mi.

E[h] gent cors garni d'avis,
Tresor precieus

Où Nature a touz biens mis,
Aiez cuer piteus,

Qui estes fontaine

De grace et de douceur plainne,
Ver voustre amant, qui vous prie
Merci, dame seignourie.

B

XI.

onne Amour me rent
Douçour et joie,
Dont je l'en gracie
Plus mout grandement
Que ne pourroie
Deservir vers li:

Car de vous m'a espris si,
Dame, qu'à vous tout m'otroi.
Pource, Amour1, humblement pri
Qu'elle envers vous soit

pour moi.

Car mon cuer ne tent,
Ne n'est en voie,
Sachiez le de fi,

Qu'à vostre cors gent,
Simplete et coie,
Servir sans detri.

Ainsi m'a Amours saisi,
Et partant vous aim et croi.
Pource, Amour, humblement pri
Qu'elle envers vous soit pour
moi.

1. Ms. Pour s'amour.

Mon cuer s s'i atent,
Et, se j'avoie
De vous non d'ami,
Plus joieusement
Qu'autre vivroie.

Je le croi ainsi :
Quar d'un espoir de merci
Sui gais et jolis en foi;

Pource, Amour, humblement pri Qu'elle envers vous soit pour moi.

B

XII.

onnement m'agrée
Vous amer, blondette
Doucette,
Savoureusette,

Et vo cors véir.

Vo manierette
Joliette,

Simple, plaisans, faitissette,
M'en donne desir.

Ailleurs ma pensée
N'est, gente, bellette,
Jeunette,
Gracieusette,

Por si dous plaisir.

Bonnement m'agrée
Vous amer, blondette
Doucette,
Savoureusette,

Et vo cors véir1.

1. Ms. : veoir.