ouce dame desirrée,
Faciez moi secours ;
Pour vous seuffre griès doulours.
Moult forment m'agrée,
Douce desirrée,
La douce pensée
Qui me croist touz jours
En esperant voz douçours:
Douce dame desirrée,
Faciez moi secours.
ame, si vous vient à gré, Alegiez les maus
que trai Et ai fait et tous dis ferai. Car aiez de moi pité,
Dame, si vous vient à gré.
Quer mesdisans m'ont grevé
Envers vous, belle au corps gai.
Pour ce vous proi de cuer vrai,
Dame, si vous vient à gré,
Alegiez les maus que trai
Et ai fait et toudis ferai.
iex, quant la verrai,
Celle que lessai
En ce dous pais?
Siens sui et serai.
Diex, quant la verrai,
Jà n'en partirai;
Ains la servirai
Com loiaus amis.
Dex, quant la verrai
Celle que lessai
En ce dous pais?
is tans plus qu'il ne faudroit flours
A faire un mont jusques ès ciex,
Mant à vous salus et douçours,
Et veil d'amer moi yous doint Diex.
Jeune, belle et gracieuse,
En vous ai tout mon cuer mis,
Honeur et joie amoureuse.
Aiez frans cuer, dous toudis.
Ne senz grièces, mès granz douçours,
que vous remir de mes iex.
En moi croit tout ainsi amours
Loiaus, puis par vous biens tiex.
Dis tans plus qu'il ne faudroit flours
A faire un mont jusques ès ciex,
Mant à vous, salus et douçours,
Et veil d'amer moi vous doint Diex.
En fais et diz savoureuse,
Sage dame au cors faitiz:
Car soiez douce et piteuse
Vers moi qui suis voz amis.
Raisons veut que soie touz jours,
En vous servant, cois et doutiex,
Larges, courtois, si grans honours
Vient de vous pour ce, cuer gentiex.
Dis tans plus qu'il ne faudroit flours
Pour faire un mont jusques ès ciex,
Mant à vous, salus et douçours,
Et veil d'amer moi vous doint Diex..
Or proi amour que soigneuse
Vers vous, doucete au cler vis,
Soit pour moi et curieuse,
Si que vo cuer soit espris
Aussi com sui, et par tieux tours,
Lors serai celans et soutiex,
Vers vous plus qu'ore et nuis et jours,
Et pour ce pour plaire vous miex.
Dis tans plus qu'il ne faudroit flours
Pour faire un mont jusques ès ciex,
Mant à vous, salus et douçours,
Et veil d'amer moi vous doint Diex.
|