ページの画像
PDF
ePub
[ocr errors]

et fut envoyé avecques le roy de Navarre* à Gien sur
Loire, pour appaiser le discord entre le duc de Bre-
taigne d'une part, et le conte de Penthièvre et sa
mère d'autre part*. Pour lesquelles deux parties, jà
soit ce qu'ilz eussent promis de y comparoir en per-
sonne, si n'y furent-ilz pas, mais envoièrent leurs
procureurs pour eux. Lesquelz de Navarre et de Berry,
mirent et rendirent grant peine par moult de manières
à les mectre d'accord. Mais pour ce qu'ilz n'y porent
besongner, mirent la discencion en la main du Roy,
par le consentement desdictes parties, de lors jusques
à la feste de la Toussaint ensuivant, et après s'en re-
tournèrent à Paris. -
En ce temps fut fait et conclud le mariage de l'ainsné
filz du roy Loys de Cécile et de Katherine, fille au duc
Jehan de Bourgongne*. Laquelle, par messire Jehan
de Châlon, seigneur de Dorlay", et le seigneur de
Saint-George", messire Jehan de Champdivers et mes-
sire Jaques de Courtiamble", fut conduicte et menée
jusques à Angers, et là délivrée à la Royne", femme

1. Charles III, dit Le Noble, fils de Charles le Mauvais. . 2. Voy. plus haut, p. 36. 3. Catherine, fille de Jean sans Peur, promise en 1408, à Philippe d'Orléans, comte de Vertus, et en 1410, à Louis d'Anjou, fils aîné de Louis II, duc d'Anjou, mourut sans alliance, à l'âge de trente-deux ans. 4. Sic dans Suppl. fr. 93. Il faut lire d'Arlay. 5. Guillaume de Vienne, chevalier, seigneur de Saint-George et de Sainte-Croix. 6. Messire Jacques de Courtiambles, seigneur de Commarien, chevalier, conseiller et chambellan du Roi et du duc de Bourgogne. 7. Isabelle d'Aragon, femme de Louis II, duc d'Anjou et roi de Sicile.

[graphic]
[graphic][graphic]

dudit roy Loys, laquelle la receut moult agréablement, et fist grant chère et grant honneur aux chevaliers dessusdiz et à tous ceulx qu'ilz avoient avecques eulx. Et après peu de jours, s'en retournèrent à Paris devers leur seigneur ledit duc de Bourgongne. . Item, en ce mesmes temps, s'assemblèrent en la ville de Meun le Chastel les ducs d'Orléans et de Bourbon, les contes de Clermont, d'Alençon et d'Armaignac, et messire Charles de Labreth, connestable de France, avec plusieurs grans seigneurs de grant puissance et auctorité. Lesquelz eurent par plusieurs journées de grans consaulx l'un avecques l'autre sur les affaires, et par espécial sur la mort du duc d'Orléans défunct, pour savoir principalement, comment ne par quelle manière, on pourroit procéder contre le duc de Bourgongne pour avoir vengence de sa personne, et comment on se y auroit à conduire. Si furent mises avant plusieurs et diverses opinions, et estoient aucuns d'opinion que le duc d'Orléans lui fist guerre mortelle à l'aide de ses seigneurs, parens, amis et aliez et bien veuillans, par toutes les manières que faire se pourroit. Les autres disoient qu'il valoit mieulx tenir autres termes, c'estassavoir de remonstrer au Roy leur souverain seigneur, qu'il feist justice et raison dudit duc de Bourgongne, et qu'à lui appartenoit à ce faire, car il lui touchoit comme à la mort de son propre frère germain. Et en fin, pour ce qu'ilz ne povoient estre tous confermez en une seule opinion, prindrent une autre journée pour estre ensemble. Mais avant qu'ilz se départissent, fut traictié le ma

·riage dudit Charles, duc d'Orléans, à la fille du conte

[graphic]

d'Armaignac', laquelle estoit niepce du duc de Berry de par sa mère, et aussi , seur du conte de Savoie. Et ce fait, les seigneurs dessusdiz se départirent , et s'en ala chascun en sa seigneurie. Et alors le duc de Bourgongne estant à Paris, gouvernoit plus que tous les autres princes du royaume et se conduisoient les besongnes et afaires par lui et ses favorisans. Dont il n'est point à doubter qu'il n'eust plusieurs envieux.

CHAPITRE LXII.

Comment le roy Loys de Cécile s'en ala à Prouvence et à Boulongne la Grasse contre le roy Lanselot. Item, la mort du pape Alixandre, et l'élection du pape Jehan , XXIII. de ce nom.

En ce temps le roy Loys se parti de Paris, à tout grant nombre de gens d'armes, et s'en ala en Prouvence, et de là à Bonongue la Crasse , pour aler à l'encontre du roy Lancelot, son adversaire, défendre et garder son pays de Naples, où ledit roy Lancelot faisoit continuellement de grans maulx. Pour quoy, comme dit est , par ledit roy Loys fu faicte très grant assemblée de navire et de gens d'armes pour y résister, et avecques ce, avoient espérance que le pape Alixandre leur feroit aide et assistence en tout ce qui lui seroit possible, tant d'argent comme de gens. Mais en brief terme, la besongne tourna tout autrement qu'il ne pensoit.

Car, lendemain de l'Invencion Saincte Croix, ledit pape fut empoisonné en la ville de Bonongne la Grasse,

1. Bonne, fille de Bernard VII, comte d'Armagnac.

comme il fut commune renommée, et mourut très piteusement". Et furent ses entrailles enterrées et ses obsèques fais en l'église des Cordeliers, et célébra la messe le cardinal de Viviers, les dyacre et soubzdiacre furent les cardinaulx d'Espaigne et de Thurin, et estoient tous ceulx de la court vestus de noir, faisans très grand deuil. En après, le vi° jour du mois de may, le corps dudit pape qui estoit embasmé de fines espices, fut mis en la sale où il tenoit son audience, vestu de vestemens sacerdotales, la face descouverte et ungs gans en ses mains et nudz piez descouvers, et quiconques le vouloit baiser, faire le povoit. Et furent fais neuf services de mors en ce lieu mesmes, et y avoit vingt cardinaulx, deux patriarches, quatre arcevesques et vingt quatre évesques, avec plusieurs abbez, docteurs et plusieurs autres gens d'église. Ses armes furent mises aux quatre coings du sarcus *. Et furent dictes et chantées par neuf jours, messes et services, tout ainsi et par telle manière que le lendemain qu'il fut trespassé; lesdictes messes furent célébrées l'une après l'autre par les cardinaulx, et le Ix° jour dudit mois, fut le corps porté aux dessusdiz Cordeliers. Et le portèrent, devant, les cardinaulx de Viviers et de Chalant , et derrière, les cardinaulx d'Espaigne et de Thurin. Le cardinal Milet aloit devant, qui portoit une croix devant le corps. Les choristes furent, le cardinal de Bar, non point cellui qui estoit filz au duc de Bar, mais de Bar en Puille", et l'autre fut le cardinal des Ursins. Le cardinal de Viviers fist le service, comme il avoit fait à l'enterrement des entrailles. Et ce fait, lesdiz cardinaulx retournèrent chascun en leurs hostelz, tous vestus de noir". Et après disner se rassemblèrent ou palais où ilz furent en conclave depuis le mercredi jusques au samedi ensuivant. Et fut là nommé, Balthazar, cardinal de Boulongne, lequel plusieurs desdiz cardinaulx aians sur lui leur regard ensemble, le eslevèrent à souverain pasteur de toute l'universelle Église. Les autres qui n'estoient point bien d'accord de ladicte élection, quant ilz virent qu'ilz estoient en trop petit nombre, se consentirent avecques tous les autres. Et puis le prindrent et le menèrent en l'église cathédrale de Saint-Pierre, et là en l'y mectant prindrent le sacrement de lui, et après le menèrent en l'ostel de son prédécesseur, c'estassavoir au palais, et tantost toute sa maison fut fustée et cerchée, et emporta l'en tout ce qu'on y trouva, et mesmement n'y demoura huys ne fenestre, que tout ne feust osté. Et lendemain l'appellèrent Jehan, de ce nom pape XXIII°*. Et là, cedit jour, furent faictes tant de noblesses et de joieusetez

1. L'Art de vérifier les dates met la mort du pape Alexandre V au 3 mai, qui est le jour même de la fête de l'Invention de la Sainte-Croix. Mais d'après notre auteur, ce serait le 4. Ce que corrobore la note suivante, que nous tirons d'un registre du parlement. « Le quart jour de ce mois (mai 1410) ala de vie à trespas monseigneur Alexandre Quint, pape, noble théologien, mais parum peritus in tanto regimine; et n'a duré au papat que xI mois. » (Registre xIII du conseil, folio 114 v°.) Raynaldi dit, dix mois et huit jours.

2. Du cercueil.

1. De Bari, archevêché du royaume de Naples.

2. Ordinairement les cardinaux portaient le deuil en violet.

3. Jean XXIII fut élu le 17 mai 1410, ordonné prêtre le 24, et couronné le lendemain.

« 前へ次へ »