Septem illum totos perhibent ex ordine menses
Rupe sub aëria deserti ad Strymonis undam
Flevisse, et gelidis haec evolvisse sub antris,
Mulcentem tigres, et agentem carmine quercus: 510
Qualis populea moerens philomela sub umbra
Amissos queritur fetus, quos durus arator
Observans nido implumes detraxit: at illa

Flet noctem, ramoque sedens miserabile carmen
Integrat, et moestis late loca questibus implet. 515
Nulla Venus, non ulli animum flexere hymenaei.
Solus Hyperboreas glacies, Tanaimque nivalem,
Arvaque Rhipaeis nunquam viduata pruinis
Lustrabat, raptam Eurydicen, atque irrita Ditis
Dona querens. Spretae Ciconum quo munere ma-

tres,

Inter sacra deûm nocturnique orgia Bacchi, Discerptum latos juvenem sparsere per agros. Tum quoque marmorea caput a cervice revulsum,

520

507) Heins. perh. totos. Ex ordine, continuos. 508) Strymonis, Macedoniae fluvii. 509) Ed. Ven. Flesse sibi. Al: sub astris. Evolvisse haec, casus suos quaerendo enarrasse. 511) Brunck pampinea. 512) Franc. dirus. 513) V. i, implumis. 514) Mead. ramoque canens. Ven. lacrima. bile. 515) Fr Moret. et moestis loca proxima quest. Goth. I. loca late. Zul. loca tunc cum quest. Integrat, iterat. 516) Vulgo nullique an. 517) Rom. cana iamque niv. Tanais est fluvius in Moscorum finibus oriens. 518) Al. Riphaeis, Ryphaeis. V. i. Ripheis. 519) V. i. Erudicem. 520) Al. Spreto Cic. quo numine. Sed potius spreto munere nuptiali, s. fide ejus et pietate in coniugem. Markland quo nomine. Cicones gens Thraciae, circa ostia Hebri. 521) Ed. Ald. nocturnaque. Sacra Bacchi noctu furore celebrari solita. 522) Parrhas." iuvenem latos. 523) Rom. Tunc. Menag. I. repulsum. Vratisl. recisum.

Gurgite quum medio portans Oeagrius Hebrus
Volveret, Eurydicen vox ipsa et frigida lingua,
Ah miseram Eurydicen! anima fugiente vocabat;
Eurydicen toto referebant flumine ripae.

525

Haec Proteus; et se jactu dedit aequor in altum. Quaque dedit, spumantem undam sub vertice torsit.

At non Cyrene; namque ultro affata timentem: 530 Nate, licet tristes animo deponere curas.

Haec omnis morbi caussa: hinc miserabile Nymphae,
Cum quibus illa choros lucis agitabat in altis,
Exitium misere apibus. Tu munera supplex
Tende petens pacem, et faciles venerare Napaeas. 535
Namque dabunt veniam votis, irasque remittent.
Sed, modus orandi qui sit, prius ordine dicam.
Quatuor eximios praestanti corpore tauros,
Qui tibi nunc viridis depascunt summa Lycaei,
Delige, et intacta totidem cervice juvencas,
Quatuor his aras alta ad delubra dearum
Constitue, et sacrum jugulis demitte cruorem;

540

524) Fr. Vatic. medius. Hebrus Oeagrius dicitur ab Oeagro, Thraciae rege, Orphei patre. 526) Menag. II. Amissam. Rom. A misera. 528) Gud. iacto. 529) Al. vortice. 530) Al. ultro est. Ast non Cyrene iactu se in altum dedit, et filium reliquit consilii inopem. 531) Medic. componere curas. Mead. depellere curas. V. i. tristis. 533) Fr. Moret, silvis pro lucis. Al. ducebat, discebat, miscebat in altis. 534) Medic. Tum m. Al. munere. 535) Rott. I. Pende pet. Zul. Nate pet. Al. redde. Tende, offer honores, ut propitiae sint et placabiles Napaeae, sylvarum Nymphae, 536) Al. iramque. 537) Al. quis sit. 538) Rom. eximio praestantis. 539) Lycaeus est mons Arcadiae. 540) Al. Dilige et intactas. 541) Arae statuuntur ante templum gradibus ascendendum Nympharum. 542) Al. Dimitte, Emitte int. Goth. II. iugulis sacrum. V. i. dimitte.

Corporaque ipsa boum frondoso desere luco.
Post, ubi nona suos Aurora ostenderit ortus,
Inferias Orphei Lethaea papavera mittes;
Et nigram mactabis ovem; lucumque revisens,
Placatam Eurydicen vitula venerabere caesa.

545

550

Haud mora; continuo matris praecepta facessit,
Ad delubra venit; 'monstratas excitat aras;
Quatuor eximios praestanti corpore tauros
Ducit, et intacta totidem cervice juvencas.
Post, ubi nona suos Aurora induxerat ortus,
Inferias Orphei mittit, lucumque revisit.
Hie vero subitum ac dietu mirabile monstrum
Adspiciunt, liquefacta boum per viscera toto
Stridere apes utero, et ruptis effervere costis;
Immensasque trahi nubes; jamque arbore summa
Confluere, et lentes uvam demittere ramis.

555

Haec super arvorum cultu pecorumque canebam,

543) Paris. Corpora quaeque b. 544) Menag. II. nona dies. Fr. Moret, ostenderat. Parrhas. reduxerit. Arund. indu zerit. 545) Rom. Orpheo. Goth. I. Orphi. Al. Letea. Mentel. I. mittis. Inferiae sunt sacrificia, quae Diis Manibus offerebantur. Papavera lethaea, sc. oblivionem et somnum inducentia. 546) V. i. revises. 547) Nigra ovis haud dubie ad Orpheum spectat. Gud. locumque. Zul. revisens. 548) Al. capessit. 549) Arund. At delubri petit. Ven. monstratasque. In V. i: hic versus sequitur pòst alterum. 550) Gud. eximio. Rom. praestantis. 551) Rom. II. intactas. 552) Al. induxerit. Leid. induceret. Rott. 1. intexerat. Ven. adduxerat. Ed. Ven. reduxerat. Vratisl. reduxerit. 553) Franc. misit. 554) Erf. Hinc. Zul. ac visum, al. auditu pro ac dictu. V. i. dictum. 556 Paris. eruptis. 557) Mentel. III. Immensamque tr. nubem. Zul. Immissasque. Rom. trahens. Nubes trahi,' nova examina. 558) Ven. visam demittere.

Medic. dimittere.

V. i. edentis uvam dimittere ramis, adhaesisse arbori. 559) Gud. culto. Mor. II. cultum. Al pecorisque, adeo. que et a pum.

Et super arboribus: Caesar dum magnus ad altum 560
Fulminat Euphraten bello, victorque volentes
Per populos dat jura, viamque affectat Olympo.
Illo Virgilium me tempore dulcis alebat
Parthenope, studiis florentem ignobilis otî:
Carmina qui lusi pastorum, audaxque juventa,
Tityre, te patulae cecini sub tegmine fagi.

565

561) Vulgo Euphratem. Zul. volantes. V. i. volentis. 562) Zul. dat iussa. V. i. Olimpho, ad immortalitatem nominis. Per populos, quorum legati undique eum convenerant. 563) Al. Vergilium. Paris. habebat, 564) Rom. oci. Al. ocii, oti, horti. Erf. cui. Parthenope est urbs Neapolis. Ignobilis respectu gloriae bellicae et gestarum rerum magnarum. 565) Al. quò, quae, qui. Audax, qui omnino carmina vulgare auderet. 566) Franc. tu. Pier. cecinit. Ven. cecini pat. sub. De veritate quatuor ultim. versuum maxime dubitandum est. V. i. caret hoc versu.

P. VIRGILII MARONIS

A EN EI S.