Si qua tui Corydonis habet te cura, venito.
T Imo ego Sardois videar tibi amarior herbis,
Horridior rusco, projecta vilior alga:

(Si mihi non haec lux toto jam longior anno est.)
Ite domum pasti, si quis pudor, ite juvenci.
c. Muscosi fontes, et somno mollior herba,
Et quae vos rara viridis tegit arbutus umbra,
Solstitium pecori defendite; jam venit aestas
Torrida, jam laeto turgent in palmite gemmae.
T. Hic focus et taedae pingues, hic plurimus ignis
Semper, et assidua postes fuligine nigri.
Hic tantum Boreae curamus frigora, quantum
Aut numerum lupus, aut torrentia flumina ripas.
c. Stant et juniperi, et castaneae hirsutae;

40

45

50

55

Strata jacent passim sua quaeque sub arbore poma;
Omnia nunc rident. At si formosus Alexis
Montibus his abeat, videas et flumina sicca.
T. Aret ager; vitio moriens sitit aëris herba;
Liber pampineas invidit collibus umbras. ›
Phyllidis adventu nostrae nemus omne virebit;
Jupiter et laeto descendet plurimus imbri.
c. Populus Alcidae gratissima, vitis Iaccho,

60

Rus

in V.

40) Ven. tibi. 41) Al. Sardoniis, Sardiniis. Menag. II. videor. Fr. Mor. videat. Per Sardoas herbas, batrachii s. ranunculi genus intelligunt, cujus magnus in Sardinia erat proventus. 42) Giph. rusto. Parrhas. visco cus est virgultum breve, acutis foliis et pungentibus. Alga est herba marina, foliis lactucae similis, in mari nascens, unde ad litus ejici solet. 43 Al. totoque est. i. hic versus postpositus est. 44 Si quis pudor, increpat boves quasi dicat, pudeat vos pastos tam tarde domum procedere, et me ab amicae amplexu distinere. 46) Fr. Mor. nos rura. Goth. II. Et quae rara tegit viridis vos. 47) Prohibete a pecore calorem solis in solstitio constituti. 48) Medic. lento. 49) Menag. I. et plur. Focus est locus continens et fovens ignem; taedae sunt ligna quaelibet. 50) Utpote in paupere tugurio. 51) Servius Hinc tuntum. 52) Numerum lupus, ut numerato pecori parcat., 54) Vel poma quaeque sub sua arbore, vel sub quaque arb. poma sua. 55) V. Alexi. 57) Vitio aeris, ob nimium calorem. 58) Voss. coll uvas. Liber, sc. Bacchus, quia animum liberat curis. Nimio aestu exsiccatae sunt vites, et folia amiserunt. 59 Ven adventum. Leid. nostrum nemus. 60) Burm. descendit. V. i. Juppiter. Jovem veteres aerem dixerunt, eundemque Terrae coniugem, quam imbre foe

cundat.

Formosae myrtus Veneri, sua laurea Phoebo:
Phyllis amat corulos; illas dum Phyllis amabit,
Nec myrtus vincet corulos, nec laurea Phoebi.
T. Fraxinus in silvis pulcherrima, pinus in hortis, 65
Populus in fluviis, abies in montibus altis:
Saepius at si me, Lycida formose, revisas,
Fraxinus in silvis cedat, tibi, pinus in hortis.
M. Haec memini, et vietum frustra contendere Thyrsin.
Ex illo Corydon Corydon est tempore nobis.

70

PHARMACEUTRIA. ECLOGA VIII. ·
DAMON. ALPHESIBOEUS.

Pastorum Musam Damonis et Alphesiboei,
Immemor herbarum quos est mirata juvenca
Certantes, quorum stupefactae carmine lynces,
Et mutata suos requierunt flumina cursus:
Damonis Musam dicemus et Alphesiboei.

Tu mihi, seu magni superas jam saxa Timavi,
Sive oram Illyrici legis aequoris; en erit unquam
Ille dies, mihi quum liceat tua dicere facta?
En erit, ut liceat totum mihi ferre per orbem
Sola Sophocleo tua carmina digna cothurno?
A te principium; tibi desinet. Accipe jussis

5

10

62) Myrtus Veneri sacra. 63) V. i. corylos. 64) V. i. corylos. 67) Medic. ac si. 68) Vulgo cedet. V. i. caedat. 69) Pier. victum et. Al Thyrsim. V. i. concedere Thyrsum. 70) Hic versus Virgilio vix dignus est. Ex illo tempore Corydon vere dignus est ea fama, qua floret apud omnes. ECLOGA VIII. 3) Mentel. carmina, ex graecismo. Lynx animal acutissimi visus. 4) Ed. Ven. Et mirata suos.

Medic, suo. Flumina requierunt mutato s. inhibito suo cursu V. i. mutaliquerunt. 5) Parrhas. iam magni supe. ras seu. 6) Timavus in ora Adriae, non longe ab Aquile. ia, fluvius ex terra novem fontibus s. capitibus progressus, brevi cursu, in unum alveum collectus, lato altoque flumine in mare exit. 7) Mor. IV. regis. Medic. et erit. 8) Mor. liceat mihi cum tua. Goth. II. mihi quo. Rott. liceat mihi totum. 10) Tragoedias tuas Sophocle dignas, s. Sophocleam gravitatem ac maiestatem exprimentes. Al. desinit. Laudes tuae perpetuum meorum carminum

argumentum erunt; in te Pollione desinet.

Carmina coepta tuis, atque hanc sine tempora circum Inter victrices ederam tibi serpere lauros.

Frigida vif coelo noctis decesserat umbra, Quum ros in tenera pecori gratissimus herba: 15 Incumbens Tereti Damon sic coepit olivae.

D. Nascere, praeque diem veniens age, Lucifer, almum :

20

25

Conjugis indigno Nisae deceptus amore
Dum queror, et divos, quamquam nil testibus illis
Profeci, extrema moriens tamen alloquor hora.
Incipe Maenalios mecum, mea tibia, versus.
Maenalus argutumque nemus pinosque loquentes
Semper habet; semper pastorum ille audit amores,
Panaque, qui primus calamos non passus inertes.
Incipe Maenalios mecum, mea tibia, versus.
Mopso Nisa datur: quid non speremus amantes?
Jungentur jam gryphes equis; aevoque sequenti
Cum canibus timidi venient ad pocula damae.
Mopse, novas incide faces: tibi ducitur uxor
Sparge, marite, nuces: tibi deserit Hesperus Oétam, 30
Incipe Maenalios mecum, mea tibia, versus.
O digno conjuncta viro! dum despicis omnes,
Dumque tibi est odio mea fistula, dumque capellae

20)

26)

12) Rott. II. tempore. 13) Pier. laurus. Permitte, ut inter laudes tuas bellicas etiam hic ex poetico encomio honos tibi accedat, nec Musam meam dedignare. 14) Al. discesse rat. 17) Zul. postque diem. Praeveniens diem age. 18) In. digno s. perfido. 19) Nil mihi profuit,,, quod Nisa suam mihi fidem dederit, eiusque testes appellaverit deos. Gud. extremam. Al. adloquar. 21) Mentel. I. mea fistu la. Maenalios s. pastoritios, quales a pastoribus cani soliti in monte Arcadiae, Maenalo. 22) Heins pinusque. Zul. lucosque. Medic. pinosque sonantes. Heins. loquentes. 24) Medic. primum. Menag. I. non pass. agrestes. Mor. I. speramus. Voss. spernemus. Schrader quid nunc. Burm. quid nos sp. a? sc. fieri posse. 27) Mor. I. Junguntur Parrhas. iam tigres. Aevo sequenti, in posterum. Griphes, fabulosum monstrum. 28) Voss. tumidi. Al. timidae. Ad pocula, ad potum. V. i. dammae. 29) Incisis lignis para taedas, ad novam nuptam domum ducendam. 30) Ven. iam deserit. Antiquus in nuptiis Romano- rum mos erat, spargere nuces nupta iam in domum et thalamum ducta, adeoque nocte iam orta. Ab Oeta Hesperus oriri dicitur; est Thessaliae mons altissimus. 31) V. i. Menalias. 32) Leid. II. Et digno. - Rott. II. cum des, cum contemtu irrisio.

35

40

45

Hirsutumque supercilium, promissaque barba;
Nec curare deum credis mortalia quemquam.
Incipe Maenalios mecum, mea tibía, versus.
Sepibus in nostris parvam te roscida mala
(Dux ego vester eram) vidi cum matre legentem.
Alter ab undecimo tum me jam ceperat annus;
Jam fragiles poteram a terra contingere ramos.
Ut vidi, ut perii! ut me malus abstulit error!
Incipe Maenalios mecum, mea tibia, versus.
Nunc scio, quid sit amor: duris in cotibus illum
Aut Tmaros, aut Rhodope, aut extremi Garamantes,
Nec generis nostri puerum nec sanguinis edunt.
Incipe Maenalios mecum, mea tibia, versus.
Saevus Amor docuit gnatorum sanguine matrem
Commaculare manus. Crudelis tu quoque, mater.
Crudelis mater magis, an puer improbus ille?
Improbus ille puer; crudelis tu quoque, mater.
Incipe Maenalios mecum, mea tibia, versus.
Nunc et oves ultro fugiat lupus; aurea durae
Mala ferant quercus; narcisso floreat alnus;
Pinguia corticibus sudent electra myricae;
Certent et cycnis ululae; sit Tityrus Orpheus:
Orpheus in silvis, inter Delphinas Arion.
Incipe Maenalios mecum, mea tibia, versus.
Omnia vel medium fiant mare. Vivite silvae,
Praeceps aërii specula de montis in undas

50

55

34) Vulgo prolixaque. 35) Mor. IV. credas. Goth. II. credes. 37) Mor. II. roscida mella, sed male. Rosc. mala, in horto prope saepem mala rore matutino adspersa. 38) Cum matre, sc. tua. 39) Leid. ab undeno. V. i. tum me iam acceperat. Pier tum iam me cep. Alter ab und., sc, decimus tertius- 40) Longob. coniungere. 41) Error, insania, amor. 43) Cotes pro cautibus. 44) Medic. Aut maros. Vulgo Ismarus aut. Tmaros est mons Epiri Rhodope mons Thraciae. Garamantes extremas Africae partes supra Gaetuliam incolebant. 45) Al. nostri g. Leid. puerum aut s. edunt, pro ediderunt, genuerunt. 46) V. i. Menalias. 47) Haud dubie poeta Medeam, suos filios ex Iasone perfi do marito mactantem, respicit. V. i. natorum. 49) Al. An pater im robus ille. 50) Al. Improbus ille pater. 52) Zul. Nunc ad oves. Ven. ut oves ultro fugit. 53) Fr. Mor. ferent. 55) Zul. Et certent. 56) Zul. delphines. Burm. Orion. Tityrus, rudis cantu, nunc inter reliqua, quae contra rerum naturam fient, erit alter Orpheus et Arion et quidem hic inter belluas marinas, ille inter feras. Delphini dicuntur musica et amore hominum capi. 58) Al. Fiat. 59) Scaliger in altum Deferar. Specula pro cacu, mine.

Deferar; extremum hoc munus morientis habeto. 60 Desine Maenalios jam desine, tibia, versus.

Haec Damon: vos, quae responderit Alphesiboeus, Dicite, Pierides; non omnia possumus omnes.

65

A. Effer aquam, et molli cinge haec ́altaria vitta ; Verbenasque adole pingues et masculà tura: Gonjugis ut magicis sanos avertere sacris Experiar sensus; nihil hic nisi carmina desunt. Ducite ab urbe domum, mea carmina, ducite Daphnin. Carmina vel coelo possunt deducere Lunam; Carminibus Circe socios mutavit Ulixi;

70

Ducite ab urbe domum, mea carmina, ducite Daphnin.

Frigidus in pratis cantando rumpitur anguis.

Terna tibi haec primum triplici diversa colore
Licia circumdo, terque haec altaria circum
Effigiem duco; numero deus impare gaudet.

75

Ducite ab urbe domum, mea carmina, ducite Daphnin.
Necte tribus nodis ternos, Amarylli, colores:
Necte, Amarylli, modo: et, Veneris, dic, vincula

necto.

Ducite ab urbe domum, mea earmina, ducite Daphnin. Limus ut hic durescit, et haec ut cera liquescit 80 Uno eodemque igni: sic nostro Daphnis amore. Sparge molam, et fragiles incende bitumine lauros.

Coni. et mag.

60) Hoc munus, sc. carmen, quod cecinit. 61) Voss. Maen. mecum mea tih. 64) Gud. Et fer. Saga praecipit haec omnia Amaryllidi famulae. 651 Verbena modo de omni herba, e sacro loco petita, modo de genere aliquo dici videtur. Masculum tus est praestantissimum. 66) Mor. I. Mor. IV avertere sensus Exp. sacris. In amoris insaniam vertere, insanum amorem reddere. Con iux pro amator. 67) Carmina de magica formula accipe. 69) Pier. Carmina et e coelo. 70) Gud. mutabit. V. i Circae - Ulixis. 71) Zul. in campis. Cantando pro fascinando, incantando. Frigidus ex natura anguium. Rumpitur pro disrumpitur. 73 Goth, II. tripl. primum col., tria alba, tria rosea, tria nigra licia, quae novem tribus deinde ligantur nodis. 74) Longob. terque hanc. Licia sunt limbi, qui telam hinc inde cingunt, et in quibus capita staminum conduntur. 77) Ven. trinos. Leid. tribus natis. Necte tria fila diversi coloris, unumquodque suo nodo. 78) Zul. modos. 80) Ven. haec ubi. Duas Daphnidis imagines, alteram e limo, e cero alteram, igni admoveri puta. 81) Sic etc. sc. liquescat molliaturque in amorem mei, obdurescat vero et obfirmetur animo ad constantiam amoris. 82) Medic. laurus. Pier. ramos. Sparge molam, far et salem.