Tant fantassins que caualiers, Laissans tesmoins de sa disgrace Plusieurs Officiers sur la place, Entre lesquels il dit adieu Au braue colonel Noirlieu, Qui sçauant au faict de la guerre N'en fut pas moins porté par terre, Quoy qu'armé comme vn Iacquemart, Et malgré les ruses de l'art S'abbatit en faisant vne esse Dessous Beaufort, de qui l'adresse Luy porta l'espée au gosier; Coup qui l'empescha de crier 1 Contre nostre guerre ciuille, Et d'embrasser cet autre Achille, Ce Beaufort dont l'illustre bras Combloit de gloire son trépas; Beaufort, dis-ie, qui teste nue, Sans armes que celle qui tue, N'ayant qu'vn bufle sur le corps, Affronta, ce iour, mille morts, Les poussa, leur dit pis que pendre, Sans qu'elles osassent le prendre. Ce fut lors que nostre Bourgeois Fut aux champs la seconde fois, Sur le bruit de cette rencontre. Chacun d'eux fort zelé se montre. Ils vont, ils vollent au secours;
Plus de trente mille habitans, Dont l'ardeur fut bien rengainée, Trouuant la bataille gagnée Et la victoire qui rioit
De nos Bourgeois, qu'elle voyoit Pester et se gratter la teste De n'auoir esté de la feste, Iurans pour faire les meschants
Contre le Préuost des Marchands,
Soit que Madame la Victoire Eust rappellé dans sa mémoire Iuuisy, que ces bons soldats Ont promis de ne passer pas, Et dont ils estoient sur la route.
Bref, ils reuindrent sans voir goute, Confondus auec les pourceaux, Les moutons, les bœufs et les veaux Il faisoit beau voir en bataille Cinq cens gorets de belle taille; Leur bataillon sage et discret Laissoit vn estron à regret;
Mais pour mieux obseruer son ordre Chacun d'eux passoit sans le mordre 2.
Qui toute la nuit défilèrent
Et dans vn si grand nombre entrèrent Par Saint Jacques et Saint Marcel
Qu'il ne s'en vit iamais de tel.
L'on conte près de quatre mille
Qui furent receus dans la ville, De ces nourrissans animaux.
Ces six vers se trouvent textuellement dans les Vers burlesques enuoyez
12 février. Refus du Héraut d'armes que la Reyne envoya.
En suite on voyoit les moutons Qui faisoient mille plaisans bonds, Et s'auançoient en criant baye, Que receut S. Germain en Laye. Nos chefs entrèrent les premiers Auecques force prisonniers 1.
Le Ieudy, fut pris la Valette, Fruict de l'Espernone brayette, Mais de ces fruicts qui sont bastards. Il fut pris semant des placards, Placards qu'il croyoit pour récolte Deuoir produire vne réuolte, Et qui n'eurent aucun effet, Si ce n'est que par eux fut fait A cet homme pourpoint de pierre Qu'il eut le reste de la guerre.
Ce iour, certains du Parlement Parlèrent d'accommodement; Mais soit qu'ils n'eussent pas puissance, Soit pour la raison de l'absence De nos chefs, la cour fut d'auis Qu'au lendemain tout fust remis.
Le Vendredy, le Héraut d'armes Me fit rire iusques aux larmes, Lorsque ie le consideré
Vers la porte Sainct Honoré,
Au matin, qui faisoit maint cerne, Comme pour inuoquer l'Auerne.
à M. Scarron sur l'arriuée du conuoy, etc. Saint-Julien n'a-t-il fait ici que reprendre son bien?
le le vis qui faisoit trois tours, A peu près comme font les Ours Qu'on fait montrer à la ieunesse, Et qu'vn bateleur meine en laisse. Après auoir pyrouetté,
Il demanda d'estre escoutté; Mais Messieurs sans faire response, Laissèrent ce bizearre nonce, Ordonnans qu'il falloit mander Nos Généraux pour procéder, Et que par vne tolérance
La Mothe auroit aussi séance. Nos Généraux estant venus, Il fut dit qu'on feroit refus D'introduire cette toupie *, Qui ne manquoit pas de roupie, Et que Messieurs les gens du Roy Iroient luy citer vne loy
Qui deffendoit d'ouurir la porte
vn homme de sa sorte, Veu qu'ils n'estoient point ennemis, Ny souuerains, mais très soumis Aux volontez de leur Monarque (Responce digne de remarque, Et qui dut rendre bien camus Le Héraut qui ne tournoit plus); Les mesmes iroient vers la Reine Dire que ce n'est pas par haine Qu'on a fait geler son Héraut,
Que Messieurs ont fait comme il faut,
Que c'est marque de leur Science
Et non de désobéissance.
Selon qu'il fut dit, il fut fait;
1 Judicieux refus du Parlement de donner audience aux deux héraults, etc. [1766].
Et le Héraut mal satisfait Mit son cheual à l'escurie Dans la prochaine hostellerie. Mais pour aller à Sainct Germain, Monsieur Talon baisa la main. Il repassoit en sa mémoire Qu'il n'eut pas seulement à boire La première fois qu'il y fut; Ce qui fit qu'il se résolut D'escrire pour son asseurance. Cependant le Héraut de France Qui fit vn médiocre escot, Mais qui dormit comme vn sabot, Ayant encor tourné de mesme Partit le Samedy treiziesme Et deuant plier son paquet, Laissa sur la barre vn pacquet, Qui demeura cette semaine Entre les mains du Capitaine.
Ce mesme iour, le fils puisné D'vn potentat infortuné Fut receu dedans nostre ville, Où sa mère avoit pris asile Contre la fureur de l'Anglois, Infame bourreau de ses Rois.
Le quatorziesme, et le Dimanche, Par vn Prélat à barbe blanche Fut sacré Monsieur de Bayeux 2. Tandis qu'vn édict rigoureux Qui fut faict en l'Hostel de Ville, Ordonna (chose très vtile)
Aux chefs et maistres des maisons, Nonobstant toutes leurs raisons,
* N. Molé, fils du premier président.
« 前へ次へ » |