Arrivée de l'a
gent de l'archiduc.
Iamais si long ne le trouuèrent,
Et dès les Roys le commencèrent; Si bien qu'en mangeant son harant, Par vn effet bien différent,
Sans iours gras le gueux Le riche n'en fit pas de mesme; Car ayant tousiours force plats, Sans caresme il fit les iours gras. Le Vendredy, dans l'assemblée Les gens du Roy vinrent d'emblée. Ils retournoient de Sainct Germain. Lors ils dirent l'accueil humain Qu'ils auoient reçeu de la Reine, Qui sans leurs tesmoigner de haine, Leurs auoit fait ciuilité
Et promis vne infinité
De faueurs et de bienueillance
2 Lettre écrite par l'Archiduc Léopold à Messieurs les Présidens, etc.
Déclaration du duc Charles... en faueur de la France, etc. [897]; Extrait
des registres du Parlement... du 19 féurier 1649 [1356].
Il venoit faire compliment A nostre auguste Parlement.
Et ce fut ce iour que le drosle Nous fit voir sa trogue Espagnolle, Iour que recru de son trauail Il ne prit qu'vne gousse d'ail, Tant il auoit d'impatience D'estre bien-tost à l'audience, Où la main dessus le rognon, Il laissa tomber vn oignon Comme il tiroit de sa pochette Vne missiue assez bien faitte, Qu'auoit escritte l'Archiduc, Dont ie vous donne tout le suc a Du dix Féurier à Bruxelle, Ie l'Archiduc vous escrits celle Que vous rend le présent porteur. Ie suis le garant et l'autheur De tout ce que dira cet homme. De ce qu'il dit, voicy la somme : « L'Archiduc parle par ma voix. Il m'enuoye offrir aux François Vne paix qu'ils ont tant souhaittée, Et qu'on a tousiours reiettée. Lors il se mit à dire mal Contre Monsieur le Cardinal, En accusant son ministère. Et dès qu'il luy plût de se taire, La Cour dit qu'il mettroit au net Ce qu'il a dit; ce qu'il a fait; Et cependant dans la semaine Qu'on députeroit vers la Reine Pour l'instruire de tout cela,
Ains comme la Cour luy demande, Et qu'à Messieurs les gens du Roy Elle donna, Ieudy, sa foy, Prendre des sentimens de mère Pour vn peuple qui la réuère, Et finir vn triste blocus
Qui ne fait rien que des cocus. Le Samedy, cent trois charettes De bleds et de farines faittes Renforcèrent nos magazins, Malgré Messieurs les Mazarins. Ce conuoy nous vint de la Brie Au nez d'vne troupe ennemie Et fut conduit par Noirmoutier, Homme sçauant dans le mestier, Et qui dans cette conioncture Garantit fort bien sa voiture Des mains du Comte de Grancey, Où le combat fut balancé ; Mais nous eusmes victoire entière, Peu de nos gens au cimetière, Encor que le choc fust très chaud; Monsieur de La Roche-Foucaud Et Monsieur de Duras le ieune Blessez par mauuaise fortune.
Ce mesme iour, les ennemis Traisnèrent canons plus de six, Dont ils firent battre en ruyne Le chasteau de Monsieur de Luyne, Lésigny, qui le lendemain Fut pris et tout son Saint-Crespin. Le Lundy, la trouppe Royale Fit Gribouillette généralle Aux enuirons de Monthléry. l'en suis encor tout ahury.
Piller, brusler autour de Chastre, Battre son hoste comme plastre Ce sont ses péchez véniels. Que seront ses péchez mortels? Enfin ayant sceu que les nostres Qui viuoient comme des Apostres, Venoient avec elle compter, Elle voulut bien se haster; Et la crainte de rendre compte Luy fit faire retraitte prompte.
Ce mesme iour, les Desputez Du Parlement s'estant bottez Allèrent par mer et par terre Chercher la Reine d'Angleterre, Pour mesler ensemble leurs pleurs Et pour compatir aux douleurs De cette Princesse affligée Que les Anglois ont outragée, Décollant le Roy son espoux.
Bons Dieux, ces peuples sont-ils fous Ensorcelez, mélancholiques,
Ypocondres ou frénétiques?
Ont-ils le Diable dans les reins
D'occire ainsi leurs souuerains,
Comme ils viennent de faire à Londre?
L'enfer les puisse-t-il confondre!
Mais consolez vous, grand Roy mort, Et prenez quelque reconfort. Vostre Maiesté n'est pas seulle; La Reyne Stuart, vostre ayeulle, Eut aussi le sifflet coupé. L'on dit que sans auoir soupé, Ce peuple en qui malice abonde, L'enuoya dormir hors du monde. Elle est encore à s'éueiller.
Pour vous qu'il a fait sommeiller, Noble Prince, illustre victime De subiets enhardis au crime, Et qu'on a veu ioüer deux fois A coupe-teste auec leurs Rois, Daignez nous dire la lignée Qu'à vostre femme si bien née Et fille de Henry le Grand,
Vous laissastes lors quand et quand. N'est-ce pas six, dont la plus grande Se tient à la Haye en Hollande, Le Prince de Galles l'aisné, Qui dans l'Écosse est couronné, Le Duc d'York et sa cadette, Qui dans Paris font leur retraitte, Deux autres qui chez les Anglois Soûpirent depuis plusieurs mois.
Le Mardy, pour leur asseurance Nos Députez à l'audience Receurent des passe-par-tous.
Mercredy vingt et quatre, tous Messieurs assemblez appelèrent Les noms de ceux qu'ils députèrent. Le premier président Molé, Avec lequel fut appelé
Monsieur le Président de Mesme, Viole de la Chambre mesme;
En suite de ces trois fut hoc Menardeau, Catinat, le Coq, Cumont, Palluau des Enquestes, Avec le Féure des Requestes. Dans le cours Monsieur de Saintot, Vint au deuant d'eux au grand trot, Auec ordre de les conduire,
Sans qu'il fust permis de leur nuire,
« 前へ次へ » |